تعرف على سيرفر الميكروتك

ماهو المايكروتك ومزاياه وما الذى سوف يقدمه لى كمالك لشبكة انترنت سلكية او لاسلكية كل هذه اسئلة سوف نتعرف عليها ابتداءً من هذه المقدمة التى ساقدمهم لكم اليوم وسوف احاول ذكر النقاط الهامة وباختصار وبعد ذالك سنتعرف عليه كاملا فى بقية السلسلة من الشروحات  .... تابعونـــــــــــــــــا

ما هو المايكروتك ؟؟  

المايكروتك هو سيرفر يقوم بدور فيروال ضد الفيروسات وبرامج الهاكر والنت كت يمنح صاحب الشبكة التحكم بالشبكة عن طريق عدة برامج اكثرها واسهلها استخداما هو برنامج     {winbox} .

ماهى المميزات التى سوف يقدمها لى كمالك لشبكة انترنت ؟؟

من حيث المميزات فهى كثيرة جدا فـ المايكروتك سوف يوفر عليك عناء كثير جداً وسوف يزيد من ربحك ايضاً بشكل ملحوظ  وبعضاً من اشهر المميزات واكثرها استخداماً
 

#  الحماية من النت كت وأمثاله  وبرامج الهاكرز 

 --  محدش هايقدر يقفل على حد النت ويسحب السرعة .

#  تقسيم السرعات للمشتركين              

 --  يعنى كل واحد على قد اشتراكه وانت الى هاتحدد لكل واحد .

#  كل مشترك يدخل عن طريق  يوزر نيم وباسورد   

--  دا طبعا معناه محدش هايقدر يشتغل نت الا عن طريقك .

#  عمل اعلانات تظهر للمشتركين فى الاوقات الى تحددها 

--  لو انت عندك شبكة فيها عدد كبير اكيد اى حد هايحب يعمل عند اعلان للمحل بتاعه عندك ودا بفلوس طبعا .

#  تقدر تعرف ايه المواقع الى بيتصفحها العميل عندك      

#  منع المواقع الاباحية او اى موقع معين 

#  فصل الخدمة لعميل معين عند انتهاء إشتراكه وظهور رسالة تفيد بفصل الخدمة 

#  منع امتدادات معينة من التحميل مثلاً  امتداد التورنت والى بيسحب السرعة كلها 

#  تحديد سعة تحميل

-- زى الفلاشة (اتصالات-موبينيل) يعنى 2 جيجا لما يخلصوا النت يفصل .

#  فصل التصفح عن التحميل   

-- يعنى تقدر تخلى عميل يتصفح بسرعة 2 ميجا ويحمل بسرعة 512 .    

# تقدر تتحكم عن بعد بالشبكة بتاعتك   

--  سواء من اى جهازعلى شبكتك أو من أى مكان فى الدنيا .

# دمج خطوط الانترنت لرفع كفائة الشبكة  

-- دى ميزة قوية جداً يعنى مش هاتربط نفسك بعدد من الناس عشان السرعة عندك مش هاتستحمل لا هات خطوط تانية وادمج الخطوط دى واستمتع بسرعة فائقة تخليك تقدر تزود ناس زى ما انت عايز .

ما هى مطلبات إنـشاء سيرفر ميكروتك  ؟؟

1- فى أجهزة من شركة مايكروتك جاهزة عليها السيرفر والنسخة طبعا اصلية زى دا واسمه راوتر بورد ودا مجرد مثال الى فى الصورة لان فى غيره بامكانيات وفتحات لان اكتر لو هاتستخدمه فى دمج الخطوط

2- مش لازم تجيب راوتر بورد زى الى فوق دا تقدر تعمل انت سيرفر مايكروتك بأى كيسة كومبيوتر بأقل الامكانيات وماتقلقش انا لو قولتلكوا اصلا الراوتر بورد دا البروسيسور والرامات بتاعته والذاكرة الداخلية بتاعته هاتقولوا انه غباء الى بيعملوه دا لكنهم مش كدا وهانقول امثلة لامكانيات جهاز
---  كيسة بنتيوم (3) ببروسيسور 1000 ورامات 256 وهارد 2 جيجا وطبعا اتنين             .     كرت لان مبدأيا لو هاتشتغل على خط واحد   ---  

هذه الامكانيات تفى بالغرض جدا وغير مكلفة بالمرة ودا معناه إن أى كيسة تنفع سيرفر بإذن الله ونفهم من كدا بردو ان بسعر الراوتر بورد نقدر نجيب كيسة امكانيات كويسة جدا لان  الجهاز اسعاره تبدأ من 500 جنيه تقريبا 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 مشاركتكم لنا بالتعليقات والاراء يشجعنا على بذل المزيد من الجهد ويحثنا على التقدم 
ونحن متواجدون لأى استفسارات عن هذا الشرح  على صفحة المدونة على الفيس بوك ونتشرف دائما بكم على جروبنا المتخصص فى الشبكات والسيرفرات وحلول ومشاكل تجدوها معنا 

الدرس القادم : كيفية تنصيب سيرفر المايكروتك